آپ سوچ بدلئے زِندگی خُود بَخُود بدل جائے گی!!. ️
کُمہار مَٹّی سے کُچھ بنا رہا تھا،
اُس کی بیوی نے پاس آ کر پُوچھا کیا کر رہے ہیں آپ ؟
کمہار بولا حُقَّہ (چِلَم) بنا رہا ہُوں،
آج کل بہت بِک رہی ھے کمائی اچھی ہو جائے گی.
بیوی نے جواب دیا کہ
زِندگی کا مقصد صِرف کمائی کا ذریعہ ہی تَو نہیں، کُچھ اور بھی ھے،
آپ میری مانیں آج صُراحی (گھڑا) بنائیں گرمی ھے وہ بھی خُوب بِکے گی اور ساتھ ساتھ لوگوں کی پیاس بُجھانے کے کام بھی آئے گی.
کمہار نے کُچھ سوچا،
اور مَٹّی کو نئے رُوپ میں ڈھالنا شروع کیا،
تَو اچانک مَٹّی نے پُوچھا،
یہ کیا کر رہے ہو؟
میرا رُوپ بدل دیا،
کیوں؟
کمہار نے جواب دیا میری سوچ بدل گئی ھے پہلے تُمہارے پَیٹ میں آگ بھر رہا تھا اب پانی بھرے گا اور مَخلُوقِ خُدا نفع حاصل کرے گی.
مٹی بولی تُمہاری تَو صِرف سوچ بدلی ھے میری تَو زِندگی بدل گئی ھے مَیں تکلیف سے نِکل کر آسانی میں آگئی ہوں۔
آپ سوچ بدلئے زِندگی خُود بَخُود بدل جائے گی!!.
No comments:
Post a Comment